TATIZO la ukosefu wa wataalamu wenye sifa katika mikoa ya ukanda wa ziwa
Tanganyika inayojumuisha mikoa ya Rukwa, Katavi na Kigoma, limeanza
kutafutiwa ufumbuzi wa kudumu baada ya Chuo kikuu cha Sayansi na
Tekinolojia cha mkoa wa Mbeya (MUST) kukubali kufungua tawi lake mkoani
Rukwa.
Makamu mkuu wa chuo cha Chuo Kikuu cha Sayansi na
Teknolojia Mbeya, Prof Joseph Msambichaka alisema hayo hayo jana wakati
akizungumza kwenye hafla fupi ya kukabidhiwa majengo ya iliyokuwa kambi
ya ujenzi wa barabara ya Kampuni ya Aarsleff- BAM Internatioanl
iliyokuwa ikijenga kwa kiwango cha lami barabara ya Tunduma hadi
Sumbawanga kipande cha kutoka Laela kwenda Sumbawanga mjini chenye urefu
kilometa 95.3.
Prof Msambichaka alisema kuwa kuanzishwa kwa
sehemu ya chuo kikuu hicho katika mkoa wa Rukwa, kitatoa wigo wa elimu
kwa wananchi na mikoa ya ukanda wa ziwa Tanganyika yanayojumuisha mikoa
ya Rukwa, Katavi na Kigoma hiyo hali ambayo itasaidia kupunguza mahitaji
ya watu kwenda mbali zaidi kutafuta elimu ya juu hivyo kuongeza
wataalamu kwenye maeneo hayo.
Alisema kuwa chuo hicho kitaanza
kwa kutoa mafunzo ya uhandisi ujenzi hasa barabara, lakini baadaye fani
kama vile za kufanya utafiti na nyinginezo zitaanza kutolewa hali ambayo
itasaidia sana kuongeza upatikanaji wa mafundi sanifu na wahandisi
hivyo kwa kiasi fulani kuchangia kupunguza tatizo la kuwa wataala
wachache kwenye maeneo hayo.
Kwa upande wake, mkuu wa mkoa wa
Rukwa, Stella Manyanya alisema kuwa hiyo fursa ambayo wananchi wa mkoa
wa Rukwa na ile ya jirani, wanapaswa kuichangamkia kwa kupeleka watoto
wao shule kwa kuwa huduma ya elimu imesogezwa karibu tofauti na
ilivyokuwa hapo awali .
Alisema kuwa ujio wa chuo hicho ni
mwafaka kwa kuwa mkoa umekuwa ukiangaika juu ya uanzishwaji wa chuo
kikuu ili kuhakikisha huduma hiyo inawafikia wananchi wake kwa urahisi
zaidi ambapo kwa sasa vijana wengi wao wanalazimika kutembea umbali
mrefu na kwa gharama kubwa kwenda kutafuta elimu ya juu.
Awali,
Kaimu mtendaji mkuu wa kitengo cha changamoto za milenia Tanzania
(MCA-T) Salim Sasilo alisema kwa kuwa ujenzi wa barabara hiyo
umekamilika hivyo kambi hiyo ambayo ina eneo la mita za mraba 400,000
imekabidhiwa kwa Must ili kuwezesha watanzania kupata elimu ya juu
katika nyanja za uhandisi kwa lengo la kuongeza idadi ya wataalam ambao
watakuwa chachu ya kutunza na kuendeleza miundombinu mbalimbali hapa
nchini.
No comments